Lhokseumawe | Infoacehutara.com – Beuklam, Penjabat Bupati Aceh Utara nyang baro Dr Drs Mahyuzar MSi, geujak kunjong Dandim 0103 Aceh Utara di rumoh dinaih gobnyan, di kuta Lhokseumawe, Seulanyan malam, 17 Juli 2023.
Rumoh Dandim seubeutoi jih hana jioh dari Meuligoe Bupati, jeut takheun chit meukeu likot inan di Lhokseumawe. Kunjongan Pj Bupati Mahyuzar geumaksud nakeuh untuk meusambong taloe silaturahmi diantara dua institusi Neugara.
Ban troh Pj Bupati Mahyuzar bak rumoh dinaih Dandim, laju geusambot langsong le Dandim nyang ka geupreh ngon para Perwira seureuta anggota Staf Kodim Aceh Utara.
Dalam hai nyan, Pj Bupati Mahyuzar neumariet bahwa droeneuh nyan geuharap dukongan ngon bantuan seureuta keurija saban antara keudua blah pihak. Teuleubeh that dalam hai meusaban-saban untuk peuwujod Aceh Utara nyang aman, damee seureuta maju ukeu nyoe.
Meunurot Pj Bupati Mahyuzar, seulaku gobnyan peujabat keupala daerah, droeneuh nyan geurasa peureule untuk koordinasi ngon keurija saban deungon ban mandum pihak.
Seubab, geupeugah le Mahyuzar, antara Peumerintah Kabupaten Aceh Utara ngon Kodim 0103 Aceh Utara, nakeuh meusapat dalam saboh wadah, yakni Forum Komunikasi Pimpinan Daerah (Forkopimda).
Peulom Kodim Aceh Utara, sambong Mahyuzar, na wilayah pembinaan teritorial dengon na para Babinsa (Bintara Pembina Desa). Teunte sep brat meubantu keu meuhase program peumerintah ngon masyarakat.
Dilikot nibak nyan, Pj Bupati Mahyuzar geu ucap teurimong geunaseh ukeu Dandim Aceh Utara ateuh keurija saban ngon dukongan nyang ka geubri le Kodim keu peumerintah Aceh Utara seulama nyoe.
“Terima kasih atas sinergi dan kerjasama selama ini, dan tentunya kami terus mengharapkan saran serta masukan dari seluruh elemen yang ada, termasuk jajaran TNI,” kheun Mahyuzar dalam basa Indonesia.
Dalam silaturrahmi nyan, Dandim 0103 Aceh Utara Letkol Inf Hendrasari Nurhono, pih geu ucapkan teurimong geunaseh ateuh kunjongan Pj Bupati Mahyuzar nyang ka geujak saweu Dandim di rumoh droeneuh nyan, lheuh nyan meusambong keudeh meuduek bak ruang keurija Dandim di Kanto Kodim.
“Kita juga berharap silaturahmi dan koordinasi ini, akan terus terjalin serta semakin erat dalam menjaga kondusifitas wilayah teritorial Aceh Utara,” meunan kheun Dandim.
